| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 20.27 | Dem. 20.29 (English) | >>Dem. 20.31 |
20.28ὁρᾶθʼ ὡς σαφῶς , ὦ ἄνδρες Ἀθηναῖοι , μηδένʼ εἶναι τριηραρχίας ἀτελῆ διείρηκεν ὁ νόμος πλὴν τῶν ἐννέʼ ἀρχόντων . οὐκοῦν οἱ μὲν ἐλάττω κεκτημένοι τοῦ τριηραρχίας ἄξιʼ ἔχειν ἐν ταῖς εἰσφοραῖς συντελοῦσιν εἰς τὸν πόλεμον , οἱ δʼ ἐφικνούμενοι τοῦ τριηραρχεῖν εἰς ἀμφότερʼ ὑμῖν ὑπάρξουσι χρήσιμοι , καὶ τριηραρχεῖν καὶ εἰσφέρειν . τίνʼ οὖν ῥᾳστώνην τοῖς πολλοῖς ὁ σός , ὦ Λεπτίνη , ποιεῖ νόμος , εἰ μιᾶς ἢ δυοῖν φυλαῖν ἕνα χορηγὸν καθίστησιν , ὃς ἀνθʼ ἑνὸς ἄλλου τοῦθʼ ἅπαξ ποιήσας ἀπηλλάξεται ; ἐγὼ μὲν οὐχ ὁρῶ . τῆς δέ γʼ αἰσχύνης ὅλην ἀναπίμπλησι τὴν πόλιν καὶ τῆς ἀπιστίας . οὔκουν ὅτε πολλῷ μείζονα βλάψει τῶν ὠφελειῶν ὧν ἔχει , προσήκει λελύσθαι παρὰ τοῖσδʼ αὐτόν ; ἔγωγʼ ἂν φαίην .
ἔτι δʼ , ὦ ἄνδρες δικασταί , διὰ τὸ γεγράφθαι ἐν τῷ νόμῳ διαρρήδην αὐτοῦ “μηδένα μήτε τῶν πολιτῶν μήτε τῶν ἰσοτελῶν μήτε τῶν ξένων εἶναι ἀτελῆ ,” μὴ διῃρῆσθαι δʼ ὅτου ἀτελῆ , χορηγίας ἤ τινος ἄλλου τέλους , ἀλλʼ ἁπλῶς “ἀτελῆ μηδένα πλὴν τῶν ἀφʼ Ἁρμοδίου καὶ Ἀριστογείτονος ,” καὶ ἐν μὲν τῷ “μηδένα ” πάντας περιλαμβάνειν τοὺς ἄλλους , ἐν δὲ τῷ “τῶν ξένων ” μὴ διορίζειν τῶν οἰκούντων Ἀθήνησιν , ἀφαιρεῖται καὶ Λεύκωνα τὸν ἄρχοντα Βοσπόρου καὶ τοὺς παῖδας αὐτοῦ τὴν δωρειὰν ἣν ὑμεῖς ἔδοτʼ αὐτοῖς .
20.29
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 20.27 | Dem. 20.29 (English) | >>Dem. 20.31 |
